Фудбалерот за врска на Милан, Џакомо Бонавентура, ќе биде ново засилување на Рома, откриваат медиумите на Апенините. На крајот на јуни тој ќе биде слободен агент и ќе стави потпис на договор со „волчицата“. Разговорот со тренерот Пауло Фонсека бил клучен за Бонавентура да се одлучи да и пристапи на Рома. Тој добил уверување од Фонсека дека ќе биде еден од адутите на Рома следната сезона.
За Бонавентура постоеше интерес и од Аталанта и Торино, а Микел Артета се обиде да го убеди да се пресели во Премиер – лигата и да го облече дресот на Арсенал. Сепак, Рома излезе како победник во битката за Бонавентура.
Тој од 2014 година е член на Милан, за „росонерите“ одигра 171 натпревар и постигна 35 гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
