Летниот трансфер рок во 2021 година ќе остане запомнет по промената на клупските бои на двајцата најголеми играчи на денешницата, Лео Меси и Кристијано Роналдо. Аргентинецот замина во редовите на ПСЖ, додека Португалецот се врати назад во Манчестер Јунајтед.
Со тоа тргна и новата битка, онаа во продажбата на дресови, а англиските медиуми велат дека истата ја добил Роналдо. Имено, страната „Фанатикс нетворк“, која е задолжена за продажба на дресови на „црвените ѓаволи“ откри дека дресот со број 7 поставил нов рекорд по бројот на продадени дресови во 24 часа. Со тоа Португалецот ги засени Лео Меси, Том Брејди и Леброн Џејмс.
Покрај тоа за само еден час бил соборен и клупскиот рекорд на продадени дресови во текот на целиот ден, а според некои извори, од продажбата на дресот на Роналдо биле заработени околку 38 милиони евра за само 12 часа.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
