Според листата на „Форбс“, Кристијано Роналдо заработил најмногу од сите професионални фудбалери во 2021 година. Португалецот инкасирал 70 милиони долари од договорот со Јувентус, а подоцна и со Манчестер Јунајтед.
Португалецот заработил дополнителни 55 милиони од спонзорски договори, така што вкупната платата е 125 милиони зелени банкноти. На второто место е „вечниот ривал на Роналдо“, Лионел Меси. Аргентинецот оваа година премина од Барселона во ПСЖ. Неговиот договор е вреден 75 милиони долари, но затоа заработува 20 милиони помалку од Роналдо кога се спонзорите во прашање. Меси е обврзан на доживотен договор со Адидас и Пепси.
Нејмар е на третото место. Бразилецот има иста годишна плата како Меси, односно 75 милиони, додека од спонзорски договори добил уште 20 милиони долари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА