Кристијано Роналдо во најновиот документарец за елитниот светски фудбал се вклучи на вечната дебата кој е подобар, тој или Лионел Меси.
„Разликата е во тоа што јас играв и играм за различни клубови и со нив стигнав до пет титули во Лигата на шампионите, додека тој целата кариера е во само еден клуб. Јас седум пати бев најдобар стрелец на Лигата на шампионите, од тоа шестпати по ред. Нема баш многу фудбалери кои имаат пет трофеи во ЛШ и затоа светската јавност мене ме поистоветува со тоа натпреварување“ – вели Роналдо кој има четири трофеи со Реал Мадрид а еден со Манчестер јунајтед.
Но, Португалецот во документарниот филм има и сериозно пофални зборови за Лионел Меси.
„Нема сомнеж дека е класа фудбалер кој има четири титули во ЛШ со Барселона. Тој, како и јас, ќе остане запаметен по тоа што долги години е во самиот врв на светскиот фудбал“ – вели Роналдо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
