Кристијано Роналдо нема да настапи за Португалија на денешниот дуел со Азербејџан откако големиот ас доби дозвола од селекторот Сантош предвреме да го напушти националниот камп и да се упати кон Манчестер.
Португалецот пред самиот крај на преодниот рок потпиша за Манчестер Јунајтед, лекарските прегледи ги мина во Лисабон, а дури денеска се врати назад во градот во кој живееше до пред 12 години.
Тој веднаш се упати кон тренинг-базата Керингтон, каде се сретна со Оле Гунар Солскјер, Норвежанецот кој на почетокот од кариерата му беше соиграч во Јунајтед, а сега е менаџер на „црвените ѓаволи“.
Кристијано Роналдо своето деби по камбекот во поранешниот клуб би требало да го има в сабота, кога Јунајтед ќе го пречека тимот на Њукасл.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА