По контроверзната елиминација на Хрватска од страна на Португалија од Светското првенство, Португалците се соочуваат со нов предизвик вечерва во Далас во осминафиналето против Шпанија , со почеток во 21 часот по локално време. Пред натпреварот, Кристијано Роналдо покажа знаци на нервоза на прес-конференцијата пред натпреварот и влезе во вербална расправија со еден новинар.
Стануваше збор за Бразилецот Марсело Бехлер, новинар и коментатор на „ТНТ Спортс“, кого Роналдо го повика пред сите во просторијата во Далас.
„Го предизвикувам овој човек таму, овој човек таму, да ме праша нешто, со оглед на тоа што не ме сака“, рече португалскиот ас, смеејќи се и покажувајќи со прст кон Бразилецот.
„Сакам да видам дали ќе ми постави добро прашање“, додаде Роналдо, а потоа еден бразилски новинар го праша што е најтешкото нешто за еден 41-годишник да го направи на Светското првенство. Португалскиот ас го прослави својот 41-ви роденден на почетокот на февруари.
„Најтешко ми е да разговарам со вас, а особено со некои од вас, оние кои не ме сакаат. Вие сте еден од тие луѓе, го знам тоа. Добро се сеќавам на лицата, доволно ми е еднаш да видам нечие лице и никогаш да не го заборавам“, саркастично одговори Роналдо.
Cristiano Ronaldo: “I challenge that guy there, to ask a good question, since he doesn’t like me.”
Marcelo Bechler: “What’s the hardest thing about a World Cup at 41 years old?”
Cristiano: “Talking to those, who don’t like me mainly, and you’re one of them, I know.” pic.twitter.com/xaykr4IGKN
— TC (@totalcristiano) July 5, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
