Изминатата ноќ во НБА лигата се одиграа шест натпревари. Домантас Сабонис ја одигра најдобрата партија во својот живот во победата на неговата Индијана Пејсерс над Јута Џез од 125-113.
Литванецот натпреварот го заврши со 42 поени што е најмногу во неговата НБА кариера. Кај поразените Донован Мичел заврши со 36 поени.
Мајами Хит го совлада тимот со најдобар скор сезонава во НБА, Феникс Санс сред Аризона со (100-123). Тајлер Хироу со 33 и Данкан Робинсон со 27 поени беа први имиња кај тимот од Флорида, додека кај поразените Девин Армани Букер заврши со 26 поени.
Во останатите мечеви од синоќешната понуда: ЛА Клиперс – Мемфис 108-123, Шарлот – Милвоки 114-106, Детроит – Орландо 97-92 и Бостон – Њујорк 99-75.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА