Иако ФИФА со недели гордо истакнуваше дека постои „невидена побарувачка“ за Светското првенство, организаторите и американските домаќини во Тексас сега се плашат од сериозен срам пред еден од најголемите натпревари од групната фаза.
Имено, за спектакуларниот дуел меѓу Англија и Хрватска, кој ќе се игра следната среда, стотици билети се уште не се продадени, пишува Дејли Меил. Главната причина зошто на стадионот во Тексас му се заканува многу мала посетеност се екстремно високите цени, кои целосно ги исклучија обичните навивачи и лојалните поддржувачи на двете репрезентации од пресметката.
Најевтиниот билет што моментално може да се најде на платформите за препродажба чини неверојатни 648 фунти (околу 750 евра). За оние кои сакаат подобар поглед и полуксузен третман во ВИП салоните, цените достигнуваат до неверојатни 6.900 фунти (7.990 евра).
Домаќините се во паника бидејќи телевизиските снимки од празни седишта во ударниот термин би нанеле огромен удар врз угледот на турнирот на северноамериканско тло.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
