Во време на пандемија на коронавирус сите врвни спортисти наоѓаат начин да помогнат во своите држави, дел од нив донираат финансиски средства, дел самите набавуваат рестпиратори и медицинска опрема за локалните болници, но Мохамед Салах се реши за поинаков пристап, помагајќи во исхраната на жителите на Нагриг.
Во родниот град на врвниот голгетер живеат само 9.000 жители, а асот на Ливерпул решил да помогне подготвувајќи пакети со храна за семејствата. Покрај вообичаените прехранбени продукти кои ќе бидат дел од пакетите, Салах решил да донира и две крави.
„Меѓу другото, две крави што се обезбедени од Мохамед ќе бидат заклани, а месото ќе биде поделено меѓу жителите на Нагриг и околните села. Пораката од Мохамед Салах е јасна – слушајте ги препораките од властите за да го победиме вирусот“, изјави таткото на фудбалерот, Салах Гали, за египетските медиуми.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
