Кике Санчез Флорес доби отказ од менаџерската функција во Ватфорд, неполни три месеци откако на клупата на овој клуб го наследи Хави Грасија. Шпанскиот стратег на 7 септември се врати на кормилото на клубот што го водеше во сезоната 2015/16, но не ја донесе посакуваната „шок-терапија“.
Во изминатите десет премиерлигашки натпревари Санчез Флорес забележа само една победа, а по вчерашниот пораз од Саутемптон тимот остана закован на дното на табелата.
„Кике е човек со огромен интергритет, на сите ни е јасно колку сакаше да остави позитивна трага и да го разбуди тимот, но јасно е дека на крајот решавачки се резултатите“ – изјави претседателот Скот Даксбери.
Главен фаворит за нов менаџер на Ватфорд е Крис Хјутон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА