Откако Лука Модриќ ја одби можноста да оди во Саудиска Арабија и да заработи многу пари, Саудијците не се откажуваат од можноста да ангажираат Хрват во своите редови.
Сега на „мета“ на клубовите од оваа земја е Иван Перишиќ, кој е пред заминување од таборот на Тотенхем. Првите контакти наводно се воспоставени, а станува збор за клубот на Ал-Хилал.
Договорот на Перишиќ со Тотенхем истекува идната година, но не е проблем за Саудијците да платат отштета за неговиот потпис. Во штотуку завршената сезона, Перишиќ постигна само еден гол за лондонскиот тим во 44 одиграни натпревари.
Ал-Хилал претходно се обиде да го доведе Лионел Меси, но Аргентинецот на крајот се одлучи за Интер Мајами.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
