Со поделба на бодовите (3-3) во последниот натпревар од групната фаза, фудбалерите на Алжир и Австрија обезбедија пласман во осминафиналето на Светското првенство, додека овој исход дефинитивно ја елиминираше селекцијата на Иран.
Веднаш по последниот свиреж почнаа шпекулациите дека ривалите го оркестрирале ова реми, што австрискиот селектор Ралф Рангник брзо и остро го негираше.
Сите се плашеа од здодевни 0-0 без никаква желба за фудбал. Ремито резултираше со директно елиминирање на Иран, додека двете селекции имаа загарантиран пласман. На теренот, сепак, се виде вистински трилер и дури шест гола 3-3. Австрија водеше двапати, а потоа во 93. минута Ријад Марез постигна гол за 3-2. Се чинеше дека се е завршено, но во последниот напад Саша Калајџиќ им донесе на Австријците нерешено и пласман понатаму.
Зошто некој да биде сомничав на овој натпревар? Одговорот лежи во реакцијата на алжирските навивачи кои го прославија примениот гол.
Причината е чиста пресметка. На Алжир воопшто не му се исплатеше победата. Со ова реми, тие закажаа натпревар против Швајцарија. Доколку триумфираа и го задржаа резултатот од 3-2, ќе одеа кај моќната Шпанија, која реално е многу потежок ривал во осминафиналето.
🔴 Les supporters algériens présents au stade ont célébrés l’égalisation de l’Autriche ! 🤣🇩🇿 pic.twitter.com/FgAqbgKTmo
— 𝗔𝗟𝗚𝗘𝗥𝗜𝗔𝗖𝗧𝗨𝗙𝗢𝗢𝗧 🇩🇿💫 (@algeriactufoot_) June 28, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
