Вардар полека но сигурно, со враќањето на Михајло Михајловски на кормилото на црвено-црните, ги составува коцките околу изгледот на тимот за новата сезона по повлекувањето на Сергеј Самсоненко.
По денешниот ангажман на репрезентативецот Томи Јагуриноски, денеска и информацијата од вардаровиот табор дека во тимот за следната сезона останува и десното крило Иван Чупиќ.
Хрватот, кој четири сезони е дел од црвено-црните, се договорил за соработка со Вардар и во следната сезона. Чупиќ изминатиов период во неколку наврати потенцираше дека негова желба е останување во вардаровите редови.
Претходно клубот ги ангажираше Борко Ристовски и Марко Мишевски, а за наредниве денови најавено е продолжување на договорите со уште неколку ракометари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
