Младите фудбалери на Флора приредија вистинска сензација во Лондон каде со 3:2 го совладаа Челси и ги исфрлија „сините“ од Лигата на шампионите до 19 години.
Првиот натпревар помеѓу две екипи кој се играше во Талин, Естонија, заврши без победник 2:2, а на денешниот реванш Челси беше апсолутен фаворит, но…
Челси двапати водеше на натпреварот, прво поведе преку Ебуе во втората минута, но во финишот од првиот дел, Алама погоди за 1:1.
Во вториот дел, Рабај повторно му донесе водство на Челси, но во 54-та минута, Куконен израмни на 2:2 а во 78-та минута, Алама со својот втор гол, и донесе огромна победа на Флора.
Во следната рунда во ЛШ до 19 години, Флора ќе игра со подобриот од дуелот меѓу Сент Патрик и Жалгирис.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
