Фудбалерот на Реал Мадрид, Иско Аларкон, ќе го напушти Реал Мадрид како слободен агент, а најверојатно кариерата ќе ја продолжи во Севилја. Тренерот на тимот од Андалузија, Хулен Лопетеги, не крие дека би сакал во својот тим да го има Иско.
Во кусиот период додека Лопетеги беше на клупата на Реал Мадрид, Иско беше еден стандарден првотимец и еден од носителите на играта на тимот.
„Доаѓањето на Иско? Најчесто зборувам само за моите играчи, но можам да кажам дека Иско е неверојатен фудбалер и многу ги ценам неговите квалитети. Секој би посакал таков фудбалер во својот тим“, изјави Лопетеги.
Спортскиот директор Мончи веќе ги преземал првичните активности за трансферот на Иско на „Рамон Санчез Пижуан“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
