Во последниот натпревар од 24. коло во Првата македонска фудбалска лига денеска на Автокоманда, Скопје ќе го пречека Шкендија во обидот за одлепување од Победа на последната позиција на табелата.
Меѓутоа, бодовите и тоа како се неопходни и за Шкендија која и натаму не се откажува од шампионската трка. Тетовци сакаат најпрво загрозување на второто место на Шкупи.
Ако Шкендија победи денеска со Скопје ќе биде на само еден бод од второпласираните чаирчани.
„Не смееме опуштено да му пристапиме на натпреварот, затоа што знаеме дека воопшто нема да биде лесно. Како и на секој друг натпревар секако ќе играме максимално. Одиме во Скопје по трите бода и верувам дека ќе се вратиме со победа во Тетово“ – вели фудбалерот од средниот ред на Шкендија, Бруно Дита.
ПМФЛ -24. КОЛО (денеска, 15 ч.)
Скопје: СКОПЈЕ – ШКЕНДИЈА
ВЧЕРА
Струмица: АК. ПАНДЕВ – ШКУПИ 1-1
Велиновски 79′ (п) – Маргвелашвили 31′
Прилеп: ПОБЕДА – СИЛЕКС 1-5
Јованов 47′ – Рамани 6′, Серафимовски 44′, Манасиевски 75′, Ѓорѓиевски 90′, 90’+2
Скопје: РАБОТНИЧКИ – СТРУГА ТЛ 0-1
Малески 28′
Кавадарци: ТИКВЕШ – МАКЕДОНИЈА ЃП 0-1
Фазли 68′
БРЕГАЛНИЦА – слободна
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
