Македонскиот фудбалски шампион Шкупи ги доби можните противници за првото коло од квалификациите во Лигата на шампионите. Тимот од Чаир се најде во групата 3 од неносителите пред утрешната ждрепка.
Можни противници за избраниците на Гоце Седлоски во првото квалификациско коло се Шериф Тираспол од Молдавија, Слован Братислава (Словачка), Карабах (Азербејџан), Линколн од Гибралтар и Шамрок од Република Ирска.
Ждрепката за првата рунда во ЛШ е закажана на 14 јуни од 12:00 часот.
ГРУПА 1
Носители: Лудогорец (Бугарија), Клуж (Романија), Ференцварош (Унгарија), Марибор (Словенија), Дуделанж (Луксембург)
Неносители: Сутјеска (Ц. Гора), Шахтјор Солигорск (Белорусија), Тобол (Казахстан), Пјуник (Ерменија), Тирана (Албанија)
ГРУПА 2
Носители: Малме (Шведска), Бодо (Норвешка), ХЈК (Финска), ТНС (Велс), Жалгирис (Литванија)
Неносители: Линфилд (С. Ирска), КИ (Фарски Острови), РФС (Летонија), Балкани (Косово), победник во претквал.
ГРУПА 3
Носители: Карабах (Азербејџан), Шериф Тираспол (Молдавија), Слован Братислава (Словачка), Линколн Ред Импс (Гибралтар), Шамрок Роверс (Р. Ирска)
Неносители: Зрињски (БиХ), Лех (Полска), Хибернијанс (Малта), Шкупи (Македонија), Динамо Батуми (Грузија)
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА