Серхио Агуеро е принуден да се пензионира откако е утврдено дека срцевите проблеми со кои се соочува се крајно сериозни. За ова се шпекулираше уште пред десетина дена, за денеска да пристигне информација дека и новите консултации со врвни кардиолози потврдиле дека состојбата е сериозна.
Аргентинецот се пожали на болки во градите за време на еден од домашните натпревари на Барселона, веднаш беше повлечен од игра, а првите лекарски препораки беа дека тој ќе мора да паузира најмалку три месеци пред да се врати во тренажен процес. Во меѓувреме врз Агуеро беа извршени детални прегледи, а резултатите покажаа дека ризикот тој да се врати на терен е преголем.
Според каталонските медиуми, одлуката е веќе донесена, а ќе биде официјализирана на прес-конференцијата што Агуеро ќе ја одржи во Барселона во текот на наредната седмица.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА