Фудбалерот на Манчестер Јунајтед, Пол Погба, најверојатно нема да се врати на терените до крајот на годината, бидејќи за повредата на бутот, добиена на вчерашниот тренинг со француската репрезентација, потребна е пауза од околу два месеци.
Првотимецот на Јунајтед почувствува болка по ударот на тренингот во понеделникот вечерта и веднаш го напушти теренот, а Француската фудбалска федерација потврди дека му е констатирана повреда на бутниот мускул. Веднаш беше јасно дека нема да биде на располагање за дуелите против Казахстан и Финска, а по првичната дијагноза е констатирана пауза од осум до 10 недели.
Погба не беше во тимот на дербито против Тотенхем и Манчестер Сити, а последниот меч го одигра во дебаклот против Ливерпул кога заработи исклучување. Претходно вообичаено беше стандарден, а доколку се остварат прогнозите за паузата, ќе пропушти дури 12 натпревари на Јунајтед, вклучувајќи ги и дербијата против Челси и Арсенал за помалку од еден месец. Враќање на терените треба да се очекува против Астон Вила на 15 јануари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА