Аргентина веќе нема никакво право на грешка, „гаучосите“ мораат да одат на победа ако сакаат да бидат дел од мундијалот во Русија, но задачата пред нив не е нималку лесна.
Меси и соиграчите постигнаа само еден гол на последните четири средби, а згора на тоа за ривал рано утринава (1.30 часот) ќе го имаат теренот за игра, кој е далеку од идеален по поројните дождови кои паѓаа во Квито во последните два дена.
[#MundoLeo] Así luce el campo de juego del Estadio Olímpico Atahualpa el día anterior al cruce entre ?? y ??. pic.twitter.com/KJxOI1vZ3W
— DEPORTV (@canaldeportv) October 10, 2017
Добра вест за „гаучосите“ е што Еквадор претрпе пет порази во низа и нема никакви шанси за СП, згора на тоа ќе биде без помошта на капитенот Антонио Валенсија, но мора да се земе во предвид и традицијата која вели дека Аргентина е без победа во Квито во последните 16 години. „Гаучосите“ последен пат се радувале во август 2001 година, кога триумфирале со 0-2 со головите на Верон и на Креспо, успех што Меси и „компанија“ ќе мора да го повторат, за да не се случи национална трагедија – претстојното Светско Првенств да мине без Аргентина.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
