Ига Швјонтек продолжи да доминира на женските тениски турнири откако полската шампионка се закити со пехарот во Рим. Таа во финалето се сретна со Жабур, лесно совладувајќи ја оваа ривалка со 6-2, 6-2, за зацврстување на првото место на ВТА-листата.
Ова беше вкупно 28. победа во низа за Швјонтек, што е најдолга победничка серија во женскиот тенис по онаа на Жастин Анин, која имаше 32 победи во 2008 година. Полската тенисерка досега има одиграно осум финалиња и притоа забележа исто толку победи, не губејќи ниту еден единсствен сет (само 28 загубени гејма во 12 сетови).
За доминацијата во Рим најдобар доказ е фактот дека таа не само што не загуби сет, туку на противничките севкупно на турнирот им препушти само 21 гејм.
Со ваква форма, јасно е зошто Швјонтек како огромна фаворитка ќе влезе во претстојното натпреварување на Ролан Гарос.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
