Селекторот на репрезентацијата на Аргентина, Лионел Скалони призна дека ситуацијата во Интер, влијаела на неговата одлука да не го повика Мауро Икарди во тимот. Икарди триесет и шест дена не тренираше и не играше за Интер, за повторно да се врати на тренинзи во текот на вчерашниот ден.
„Зборував со Мауро пред да го објавам списокот и му објаснив зошто не е повикан. Тоа што му се случи во клубот директно влијае и на националниот тим. Ќе видиме каква ќе биде ситуацијата за Копа Америка. Целата ситуација во Интер не е баш добра за повик во репрезентацијата“, изјави Скалони.
Во таборот на Аргентина се врати Лионел Меси, а вечерва избраниците на Лионел Скалони ќе се сретнат со репрезентацијата на Венецуела, по што ќе следи и гостување против селекцијата на Мароко.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА