Реал Мадрид и Атлетико Мадрид одиграа нерешено 1-1 во градското дерби од 23. коло на Ла Лига на „Сантијаго Бернабеу“. Но, наместо играта, вниманието го привлече контроверзната објава на Реал Мадрид ТВ, која остро ја критикуваше арбитражата.
Атлетико поведе во 35. минута со голот на Јулијан Алварез од пенал, откако судијата Градо досуди пенал со помош на ВАР за прекршокот на Чоамени врз Лина. Оваа одлука предизвика негодување кај навивачите и стручниот штаб на Реал Мадрид, иако снимките го потврдија контактот.
По натпреварот Реал Мадрид ТВ објави: „Овој пенал е смешен. Мора да играме против судиите, а не против противничките играчи.
Потоа официјалниот ТВ канал на „кралевите“ отиде чекор понатаму: „Да зависи од нас, ќе излеземе од теренот и ќе престанеме да ја играме валканата лига на Негреира. Ова натпреварување е одвратно’.
Терминот „Лига на Негреира“ потекнува од тврдењата дека Барселона претходно им плаќал на суиите, но тоа никогаш не е докажано.
Најмногу на ова реми се радуваше токму Барселона, која вечерва со евентуална победа во Севиља над истоимениот тим може да се доближи до врвот на табелата.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
