Селекторот на словачката кошаркарска репрезентација, Олег Мелешенко го објави списокот на играчи кои ќе настапуваат за оваа земја на претквалификациските натпревари во Скопје против Македонија и Швајцарија.
Мелешенко од претходно не можеше да смета на услугите на главната „ѕвезда“ Кајл Курич од Барселона, како и на Марек Долежај. Словачкиот селектор за време на подготовките остана и без помошта на младиот центар Томаш Павелка, а во последниот избор пред патот за Скопје не влегоа Јакуб Мереш и Јурај Паленик. Од оние кое се наоѓаат во словачкиот состав прва „ѕвезда“ дефинитивно е Владимир Бродзиански, кој минатата сезона настапуваше заедно со нашиот Ненад Димитријевиќ во Хувентуд.
„Не смееме да зависиме само од Бродзиански. Јасно е дека тој е лидер, но не смееме да зависиме само од него, во кошарката се победува само со тимска игра. На последните две контролни средби постигнавме над 80 поени, не беше се перфектно, но добро е да се знае дека поседуваме напаѓачки потенцијал“, изјави словачкиот селектор.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
