Кошаркарската репрезентација на Словенија стигна до значајна победа на патот кон Светското првенство кое ќе се игра следната година. Словенците во натпревар од 9. коло од Ј групата во европските квалификации стигна до гостинска победа над Израел од 62-75.
Израелците добро го отворија натпреварот и по десет минути игра имаа предност од 18-15. Сепак, Словенците до крајот на првото полувреме заиграа далеку подобро и на пауза заминаа со позитива (34-38).
До крајот Словенија рутински го приведе мечот и успеа да стигне до голема победа од 62-75 и тоа без услугите на првата ѕвезда Лука Дончиќ. Муриќ и Лапорник со по 16 поени беа први имиња кај победникот, додека кај поразениот единствен двоцифрен беше Томер Гинат со 12 поени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
