Холандскиот фудбалер Весли Снајдер ја заврши репрезентативната кариера, играјќи за последен пат во националниот тим на „лалињата“ на пријателскиот меч против Перу (2-1). Тој одигра 62 минути, а потоа со своето семејство седна на софа среде „Амстердам Арена“, и гледаше фудбал на телевизија, истакнувајќи дека отсега ќе биде еден од најголемите навивачи на холандската селекција.
Снајдер 134 пати го носеше дресот на Холандија, постигна 31 гол и цели 15 години беше дел од репрезентацијата, откако дебитираше во април 2003 година. Посебно признание доби и од претседателот на ФИФА, Џани Инфантино, кој беше почесен гостин на неговото збогување од националниот тим. На крајот, заврши и на рацете на своите соиграчи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА