Голманот на Леванте, Аитор Фернандез, нема да може да му помогне на тимот на утрешниот натпревар против Атлетик Билбао. Причината е неверојатна, тој доби задолжение да надгледува гласачки кутии во родниот град Мондрагон за време на изборите кои ќе бидат организирани утре. Првиот чувар на мрежата на Леванте е одреден да биде заменик претседател на едно избирачко место, а неговиот тим истиот ден треба да одигра натпревар против Атлетик Билбао.
Клубот се обиде да издејствува Фернандез да биде ослободен од граѓанската должност, но нивното барање е одбиено. Ова ќе биде голем хендикеп за тренерот Пако Лопез кој има и неколку повредени фудбалери. Во минатото коло Леванте на домашен терен славеше против Барселона и сака да ја продолжи позитивната низа и на гостувањето во Билбао.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
