Денес репрезентацијата на Хрватска го игра натпреварот од осминафиналето на Европското првенство против Шпанија. Натпреварот помеѓу Хрватска и Шпанија се игра на стадионот „Паркен“ во Копенхаген, а сигурно ќе имаме многу возбудувања и голема борба за место кое води во четвртфиналето на ова натпреварување.
Хрватска и Шпанија не блескаа во групната фаза и само во последното коло успеаа да обезбедат пласман во нокаут-фазата во Евро. Многумина веруваат дека Шпанците се фаворити во оваа пресметка, но „Огнот“ покажа дека не треба да се отпишуваат така лесно. Натпреварот на „Паркен“ се игра од 18 часот, а Златко Далиќ и Луис Енрике ги открија почетните состави.
Хрватите вчера добија голем удар затоа што беше објавено дека Иван Перишиќ го пропушта натпреварот откако беше позитивен на коронавирус. Перишиќ беше најдобар играч во Хрватска во групната фаза и јасно е дека неговото отсуство дојде во најлош момент. Сепак, Далиќ реши да му даде шанса на Ребиќ уште од првата минута.
Хрватска: Ливаковиќ, Шалета-Кар, Гвардиол, Јурановиќ, Вида, Ковачиќ, Модриќ, Брозовиќ, Ребиќ, Влашиќ, Петковиќ.
Шпанија: Унаи Симон, Аспиликуета, Ерик Гарсија, Лапорта, Гаја, Бускетс, Коке, Педри, Сарабија, Феран Торес, Мората.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
