Кениската маратонка Рут Чепнгетич го освои првото злато на Светското атлетско првнество во Доха. Таа го преживеа пеколот на екстремно високите температури со кои се соочија маратонците и покрај тоа што организаторот смисли трката да биде ноќна. Тоа не им помогна многу на маратонците.
На температура од 33 степени целзиусови и со влажност на воздухот од 73 проценти и во услови кога дури 28 од 68 маратонки се откажаа, Чепнгетич имаше време од 2.32.43 часа. Втора заврши фаворитката за титула, Рос Челимо, а бронзата ја освои Намибијката Хеталија Јоханес.
Заедно со победничките во редот на хероини влегува и 39-годишната Кенијка Една Киплагат која ја освои четвртата позиција со резултат од 2.35.36 часа што и донесе и олимписка норма за Игрите во Токио.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
