Спортинг Лисабон беше на прагот да забележи победа во големото градско дерби против Бенфика на гости, но потклекна во последните мигови и ремизираше 1-1. „Зелено-белите“ имаа предност по првиот дел со голот на Желсон Мартинс во 18.минута, но една грешка во одбраната беше доволна за Бенфика да израмни во 90.минута и тоа од пенал. Баталја играше со рака во сопствениот шеснаесетник, а Јонас успеа да го реализира пеналот и да донесе важен бод за Бенфика.
Македонскиот интернационалец Стефан Ристовски остана на клупата за резервни фудбалери на Спортинг Лисабон на ова големо дерби. По 16 одиграни кола во Португалија, Порто е првопласиран на табелата со 42 бода, Спортинг Лисабон е на второто место со 40 бода, а на третата позиција е Бенфика со 37 бода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
