Реал Сосиедад стави крај на перфектниот старт на сезоната на Атлетико Мадрид, откако вечерва славеше над тимот на Диего Симеоне со 2-0.
Домашните навивачи можеа да уживаат во претставата на своите миленици, кои победата ја осигураа во второто полувреме. Мартин Одегард, кој е дојден на позајмица од Реал Мадрид, го постигна првиот погодок со прецизен удар од петнаесетина метри, додека на 2-0 зголеми дефанзивецот Начо Монреал.
За проблемите на Симеоне да се уште поголеми, при вториот гол на Реал се повреди голманот Јан Облак, кој сега е неизвесен за дуелот со Јувентус во Лигата на шампионите.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
