Струга ТЛ води со Шкендија на полувремето, предност и за Шкупи, „пандевци“ и Тиквеш (ВИДЕО)

Струга ТЛ води против Шкендија со 1-0 на полувремето во дербито на 15. коло од Првата македонска фудбалска лига. По првите 45 минути, предност и за Шкупи против Скопје на дуелот во Кичево, а предност од 1-0 имаат и Академија Пандев против Силекс и Тиквеш против Работнички на домашен терен.

Струга ТЛ има предност од 1-0 против Шкендија со голот на младиот Христијан Малески во 40. минута од натпреварот…

Шкупи со пресврт води против Скопје со 2-1. На дуелот кој се игра во Кичево, Шкупи за само три минути дојде до водство од 2-1 против Скопје, откако Настевски уште во 3. минута ги донесе гостите до предност од 0-1.

Во 19. минута евро-гол со шут од повеќе од 20 метри постигна Реналдо Цефас за 1-1…

А, веќе во 22. минута по корнерот на Алварез од десната страна, на вториот дирек Грузиецот Гаги Марбелашвили од едно метри погоди за 2-1…

Академија Пандев од 23. минута има предност од 1-0 на дуелот против Силекс. „Пандевци“ заслужено поведоа со погодокот на 21-годишниот Донев кој испрати силен шут за убав погодок од 25 метри, изненадувајќи го противничкиот голман Божиновски.

Академија Пандев потоа имаше уште две одлични можности и за 2-0, но Димитар Митровски ја погоди најпрво гредата од голот на Силекс, а потоа и одбрани гостинскиот голман.

Тиквеш, исто така, води со 1-0 против Работнички со голот на Ивановски во 36. минута…

ПМФЛ – 15. КОЛО (прво полувреме)
Струмица: АК. ПАНДЕВ – СИЛЕКС 1-0
Донов 23′
Кичево: ШКУПИ – СКОПЈЕ 2-1
Цефас 19′, Марбелашвили 22′ – Настевски 3′
Струга: СТРУГА ТЛ – ШКЕНДИЈА 1-0
Малески 40′
Кавадарци: ТИКВЕШ – РАБОТНИЧКИ 1-0
Ивановски 36′
УТРЕ (13 ч.)
Скопје: МАКЕДОНИЈА ЃП – БРЕГАЛНИЦА