Суеверниот Лампард: За да не направам баксуз и кучето го шетам по иста патека

Менаџерот на Челси, Френк Лампард има строга рутина која ја изведува пред натпреварите, цврсто се држи до неа, дури го шета кучето по истата маршрута и верува оти ако промени нешто во ритуалите тоа ќе му се одрази на резултатите.

Поранешниот англиски репрезентативец признава дека е суеверен, свесен е дека ваквите верувања немаат многу смисла, но решен е да се држи до нив.

„Го шетам кучето во исто време и по иста патека, одам до локалното кафуле, земам кафе и потоа се движам по строго одредена рута. Ако одам во теретана, секогаш возам точак точно 50 минути, ако трчам пак тоа е секогаш прецизно по истата рута. Мислам дека ако променам нешто, ќе ми се одрази на резултатите“ – објаснува Лампард.

Засега, ваквите ритуали се чини одлично му помагаат. Тој со серија од пет последовни победи беше избран за менаџер на месецот за октомври во Премиер-лигата. Челси славеше и над Кристал Палас вчера и со 26 бода, идентично како и Лестер е на третото место на табелата.

 

Се вчитува...