Милан ќе биде значително засилен за утрешниот натпревар против Аталанта откако тројца членови на „росонерите“ добија негативни резултати на тестирањето за коронавирус.
Анте Ребиќ и Раде Круниќ по негативните тестови веќе добија зелено светло да се вратат на тренинг, додека кај Тео Хернандез е утврдено дека првиот позитивен тест бил „лажно позитивен“. Откако шпанскиот лев бек добил два негативни тестови, сега и тој ќе може да му биде на располагање на стручниот штаб за утрешниот дерби натпревар.
Тренерот Пиоли најави и дека е презадоволен од физичката подготвеност на Марио Манџукиќ, па хрватскиот голгетер ќе се најде во составот за мечот со Аталанта и најверојатно шанса ќе добие во второто полувреме.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
