Македонија ЃП стигна до првиот триумф во пролетниот дел од сезоната во Првата македонска фудбалска лига, откако во 22. коло славеше на домашен терен над Силекс со минимални 1-0.
Тренерот на „лавовите“ Жикица Тасевски вели дека овој триумф е многу важен за враќањето на самодовербата на фудбалерите.
„Многу важен триумф за нас за враќање на самодовербата. Во кодот на Македонија ЃП е секогаш да оди на победа и на добар резултат. Малку послабо го отворивме пролетниот дел и оваа победа е од големо значење за нас. Промашивме зицер со кој можевме порано да ја завршиме целата работа и да не го внесеме натпреварот во неизвешна завршница, но сепак успеавме да го задржиме водството и на крајот да се радуваме на голема победа. Не очекува тешка последна третина во која главна цел за тимот е излез во Европа“ вели Тасевски.
Македонија ЃП во моментов се наоѓа на третата позиција на првенствената табела зад Шкендија и Шкупи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА