Шкендија, по ремито со Работнички, без сомнение сега атакува на три бода против Ренова во 22. коло од Првата македонска фудбалска лига.
Во трката за шампионската титула, и одржување на бодовната разлика со Шкупи, составот на Ернест Ѓока ќе мора на победа против „гипсарите“.
Интересен дуел се очекува и во Битола каде Пелистер го пречекува Борец во желбата за реванш за оној пораз од 3-0 во Велес.
„Имаме едно реми и две победи во првите три натпревари на почетокот од пролетната сезона, и сето тоа дава мотив и една сигурност да се вложиме уште повеќе и да стигнеме до мирни места на табелата. Борец е квалитетна екипа. Оваа зима претрпе промени на неколку играчи и тренер, но се покажаа во овие три натпревари дека имаат квалитет за надигрување со секој противник. Ќе биде тежок и неизвесен натпревар. Мора да дадеме максимум за да ги освоиме потребните бодови“ – вели тренерот на „пелистерци“, Димитар Капинковски.
ПРВА ЛИГА (22. КОЛО, денеска, 14 ч.)
Скопје: ВАРДАР – СТРУГА ТЛ
Струмица: БЕЛАСИЦА – АК. ПАНДЕВ
Тетово: ШКЕНДИЈА – РЕНОВА
Скопје: ШКУПИ – РАБОТНИЧКИ
Битола: ПЕЛИСТЕР – БОРЕЦ
ВЧЕРА
Скопје: МАКЕДОНИЈА ЃП – СИЛЕКС 1-0
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА