Лео Меси си го оствари сонот, Емилијано Мартинез одбрани се што требаше кога беше најважно, но еден од хероите на Аргентина на овој фудбалски мундијал што мора да се спомене е и Лионел Скалони.
Поранешниот репрезентативец дојде на клупата на националниот тим во 2019 година тивко и без бомбастични најави и очекувања, но Скалони успеа во она што неговите претходници не го реализираа – да состави силен колектив кој предводен од Меси ќе се искачи на врвот на светскиот фудбал.
Тој си обезбеди и место во фудбалската историја како прв аргентински стратег што во својата кариера ги кренал пехарите на СП и на Копа Америка. Досега тоа им имаше успеано само на Бразилците Марио Загало (СП во 1970 и Копа Америка во 1997) и Карлос Алберто Пареира (СП 1994, Копа Америка 2004), одбрано друштво од кое дел од вчера е и Скалони.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
