Томас Тухел ја продолжува авантурата во Пари Сен Жермен, тврди влијателниот „Л’Екип“. Тој имал разговор со спортскиот директор Леонардо и добил можност и следната сезона да ги предводи „светците“.
Пред пандемијата со коронавирусот, столчето на Тухел сериозно се тресеше, но, сепак, ПСЖ е прогласен за шампион на Франција, а тимот се наоѓа и во нокаут-завршницата од Лигата на шампионите. Раководството донело одлука да му даде доверба на Томас Тухел и за следната сезона.
Пари Сен Жермен се обидува да го задржи Нејмар до 2025 година со понуда за нов договор, а се водат разговори и со Килијан Мбапе. Томас Тухел ќе добие комплетна слобода во изборот на нови засилувања, а се чини дека најмногу ќе треба да реновира во средниот ред на тимот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА