Трајковски го урна државниот рекорд во скок во далечина на митинг на кој настапи и олимпискиот шампион (ВИДЕО)

Андреас Трајковски, член на АК Работнички и репрезентативец на Македонија, вчера на меѓународен атлетски митинг во Лимасол (Кипар) го собори Македонскиот рекорд во скок во далечина на отворено со резултат од 7, 41 метар.

Досегашниот мМакедонски рекорд на отворено во скок во далечина изнесуваше 7 метри и 15 сантиметри, кој беше во сопственост на тројца атлетичари, Зоран Тасевски, Тони Дамчевски и Славчо Мирчевски.

Андреас со овој скок го освои 5-то место на митингот. Прв беше Олимпискиот шампион и Светски првак во сала Милтиадис Тентоглу од Грција со скок од 8, 28 метри, втор беше Рејнод Баниго од Велика Британија со 8,04 метри, додека третото место му припадна на Мохамад Амин Алсалами од Сирија со скок од 7,56 метри.

Ова беше прв натпревар за Андреас сезонава на отворено во скок во далечина, а веќе следната недела го очекува нов настап на меѓународна сцена, на атлетски митинг во Солун (Грција).

 

Се вчитува...