ЕКИПА во Гибралтар,
Владимир Булатовиќ
Иван Тричковски ова лето игра во извонредна форма во дресот на кипарскиот АЕК Ларнака. Сето тоа, без сомнение, посакува да биде преточено и во репрезентацијата за која и тоа како е неопходно неговото искуство.
Стартот на новото УЕФА натпреварување, Лигата на нациите, е повеќе од мотивирачко за секој поединец во националниот тим, како што вели и Тричковски затоа што можеби е време токму со оваа генерација да дојдат вистинските фудбалски успеси…
„Знаеме што значи за нас Лигата на нациите и можноста која ја нуди да се стигне до едно големо натпреварување. Токму затоа максимално сериозно пристапуваме на секој натпревар. Така ќе биде и против Гибралтар. Ја носиме фаворитската улога но тоа ќе мора да се покаже на терен. Не сакаме воопшто да го потцениме противникот, но секако добро ги знаеме и нашите квалитети. Едноставно трите бода од овој меч не треба да бидат доведени во прашање“ – вели Тричковски.
Натпреварот меѓу Гибралтар и Македонија вечерва на „Викторија стадионот“ во Гибралтар стартува од 20:45 часот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
