Шпанскиот тим Реал Сосиедад, кој синоќа му го нанесе најубедливиот пораз во историјата на Лига Европа на македонскиот првак Вардар (0-6), има тројца свои претставници во тимот на колото во ова европско натпреварување. Неверојатниот напаѓач, четирикратниот стрелец Вилијан Жозе, го предводи нападот на најдобриот тим од Лигата на Европа, а во составот се вброени уште и капитенот Чаби Прието, како и левиот бек Де ла Бела, кој беше стрелец на последниот шести погодок за баскискиот тим.
Двајца фудбалери во најдобриот избор доаѓаат од Астана, Кабананга и Шомко, а по еден претставник имаат АЕК Атина, Скендербег, Лудогорец, Лацио, Аталанта и Зенит.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
