Едно евролигашко коло беше доволно за ширење на коронавирусот во елитното кошаркарско натпреварување, утрово беше објавен позитивниот тест на Шарунас Јасикевичиус, а по тренерот на Барселона вечерва беше обелоденето дека позитивни на Covid-19 се и тројца кошаркари на ЦСКА Москва.
Станува збор за Никола Милутинов, Јанис Штрелниекс и Семјон Антонов, за кои рускиот првак потврди дека биле позитивни на последните тестирања и моментно се наоѓаат во самоизолација. Милутинов и Штрелниекс воопшто не настапија во првото коло против Барселона, додека Антонов беше во составот, но не влегуваше во игра.
Во текот на летото заразен од коронавирус беше и тренерот на ЦСКА, Москва, Димитрис Итудис.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
