Раководството на Црвена Звезда испрати јасна порака дека нема намера да го растура тимот што конечно влезе во посакуваниот ритам, експресно одбивајќи ја понудата од Грција за еден од најдобрите кошаркари во црвено-белиот табор.
Станува збор за Крис Џонс, кој се најде на самиот врв на листата со желби на ПАОК. Парите не се проблем за тимот од Солун, кој беше подготвен да плати три милиони евра отштета на Црвена Звезда за американскиот плејмејкер, за кого беше подготвен и тригодишен договор за плата од три милиони евра по сезона, двојно повеќе од она што во моментов го заработува во белградскиот клуб.
Многумина ја опишаа оваа понуда како „нешто што не се одбива“ бидејќи транферот на Џонс ќе беше најголема продажба во историјата на српската клупска кошарка. Сепак, „црвено-белите“ експресно испратија одговор – ставајќи до знаење дека плејмејкерот што стигна летово од Хапоел Тел Авив не е за продажба.
„Џонс беше доведен како мотор на екипата, тој е прв плејмејкер и играч на кого тренерот Наваро и директорот Теодосиќ најсериозно сметаат. Крис има договор на две сезони и сигурно нема да го напушти клубот“, порачаа од таборот на белградските црвено-бели.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
