Кошаркарскиот клуб Црвена Звезда е еден од најактивните на трансфер маркетот ова лето. Белграѓани веќе промовираа четири нови кошаркари од кои три странци Чима Монеке, Семи Оџелеје и Ебуку Узунду.
На тројцата Нигерици на добар пат е да им се приклучи уште еден откако денеска официјално слободен играч стана Џоран Нвора, 26-годишниот крилен играч кој помина една сезона во Ефес. Турскиот клуб одби да ја искористи можноста за да го продолжи неговиот договор на дополнителна сезона па тој е слободен да ја бира новата средина.
Според српските медиуми Нвора кој бележеше просек од 7.6 поени и 3.3 скокови по натпревар како дебитант во Евролигата веќе има усмен договор со „црвено-белите“ и наскоро се очекува негов потпис.
Нвора пред Ефес настапуваше и за Милвоки, Индијана и Торонто.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
