Фудбалерите на Челси вчера ремизираа со Манчестер Јунајтед на домашен терен (1-1) во дербито на колото во Премиер лигата. „Сините“ на почетокотот од вториот дел потфрлија, а Жоржињо беше централна фигура на натпреварот. По неговата лоша проценка, Санчо постигна гол за Јунајтед, а тренерот на лондонскиот тим истакна дека виновни за грешката се рефлекторите.
После тоа, италијанскиот репрезентативец се искупи и погоди од белата точка, со што го избегна поразот од „црвените ѓаволи“.
„Жоргињо погрешно ја процени ситуацијата, мислам дека тоа е поради преголемата светлина. Тоа се случува“, изјави Тухел по натпреварот.
Инаку, фудбалерите на Челси по овој меч ја задржаа и понатаму лидерската позиција на табелата со 30 поени, но сега имаат само еден бод повеќе од Манчестер сити и два од Ливерпул.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
