Мајами и Феникс стигнаа до предност од 2-0 во четвртфиналлните серии против Филаделфија, односно Далас откако изминатата вечер забележаа убедливи победи на домашен терен.
Мајами славеше со 119-103 против Филаделфија во меч во кој ја имаа целосната контрола. Стекнатата предност од првата четвртина тимот од Флорида ја задржа до самиот крај и во ниеден момент не дозволи гостите да се надеваат на победа.
Адебајо беше лидер на Мајами со 23 поени и 9 скока, додека него го следеше Батлер со дабл-дабл од 22 поени и 12 асистенции. Макси беше прво име кај гостите со 34 поени и 3 скока, а него го следеше Харис со 34 поени и 3 скока.
22 points, 12 assists. Lots of buckets from Jimmy tonight. pic.twitter.com/W0N0mj0ZYG
— Miami HEAT (@MiamiHEAT) May 5, 2022
Слична победа забележа и Феникс кој одигра одлично второ полувреме во кое не ја испушти двоцифрената предност за победа над Далас со 129-109. Дуото Букер-Пол го предводеше својот тим до победа со 30 поени и 4 скока, односно 28 поени и 8 асистенции, додека на гостите не можеше да им помогне ниту расположениот Лука Дончиќ кој забележа 35 поени, 7 асистенции и 5 скока.
Efficient. Historic. Record-Breaking.#RallyTheValley pic.twitter.com/UHYGjF0Lcc
— Phoenix Suns (@Suns) May 5, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
