Откако стана познато дека за Валмир Нафиу нема иднина во редовите на Шкендија, крилниот офанзивен фудбалер во следните шест месеци ќе биде дел од словачкиот тим Кошице. Тој веќе и игра пријателски натпревари за оваа екипа, и денеска треба да биде промовиран за ново име.
Нафиу во последните пет години беше дел од Шкендија, но оваа зима тетовските „црвено-црни“ го замрзнаа неговиот статус, и тој наместо во Анталија, остана да тренира во младинците на тетовскиот тим.
Со тоа 28-годишниот Нафиу по пауза од шест години одново е со ангажман во странство, откако претходно настапуваше за Скендербег, АПОЕЛ, Хамбургер и Базел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
