Валтери Ботас ја забележа четвртата победа во кариерата, прва на трката за Големата награда на Австралија откако беше најдобар на почетното натпреврување од Формула 1 шампионатот. Ботас на стартот го помина тимскиот партнер, Луис Хамилтон кој ја имаше пол позицијата и потоа лидерското место го задржа до крајот од трката.
За него ова е победа по пауза по повеќе од една година, последниот триумф му е од Абу Даби од 2017 година. Во минатата сезона, вториот пилот на Мерцедес немаше ниту една победа. Ботас во сезоната влезе со триумфот и со екстра бод затоа што ги имаше и најбрзиот круг на трката.
Хамилтон ги одби нападите на амбициозниот Макс Ферстапен на Ред Бул и ја задржа втората позиција за 135 -от подиум во кариерата. Ферстапен сезоната ја отвори со третото место и прв подиум на трката во Австралија.
Ферари сезоната ја почна скромно, надвор од победничкиот подиум, Фетел заврши на четвртото, а Леклерк на петтото место.
Следната Ф1 трка е по две седмици во Бахреин.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
