Вирџил Ван Дајк беше посочен како најдобар стопер во историјата од страна на Мајкл Овен, но лидерот во одбраната на Ливерпул не сакаше да навлегува во овие дебати и не излезе со одговор на оваа тема.
Сепак, Ван Дајк во интервјуто за „Скај Спортс“ откри кој за него е најдобар централен дефанзивец во историјата на фудбалот, сето тоа како продолжение на дебатата која ја отвори некогашното „златно момче“ на Ливерпул.
Ван Дајк во овој момент важи за најсигурен и најдобар стопер во светот, но кога е во прашање историјата, за него на врвот на скалилото е легендарниот Паоло Малдини.
„Почитта која ја имам кон Паоло Малдини е огромна, тој за мене е најголемиот во историјата, тој е вистинска фудбалска легенда. Беше неверојатен фудбалер и встински столб во одбраната, се што постигна со Милан е импресивно. Кога бев повреден, почнав да собирам дресови од важни играчи и имав еден негов дрес. Решив да ми се потпише. Отидов да го видам и да го прашам како се чувствува. Тој е вистинска легенда“, изјави Ван Дајк.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
