Горан Пандев не го крие задоволството по остварената желба, да го обезбеди прволигашкиот статус на Џенова за да одигра уште една сезона за овој клуб пред и официјално да ја заврши кариерата. Македонецот кој неодамна наполни 37 години во италијанските медиуми го доби прекарот „Вечниот Пандев“, поради фактот дека и пред самиот крај на кариерата игра на највисоко ниво, со девет гола е најдобар стрелец на Џенова сезонава.
Пандев се јави со порака преку својот инстаграм-профил, најавувајќи дека е подготвен за да мине уште една сезона во дресот на Џенова.
„Ова беше долга, тешка сезона, во која фудбалот не беше во преден план. Делуваше дека ќе е чудо ако воопшто го завршиме првенството, но сега животот ќе почне одново и покрај многуте тешкотии. Обезбедивме опстанок. Среќен сум што играм за Џенова, среќен сум што опстанокот им донесе олеснување на сите црвено-сини срца. Мето срце исто така е црвено-сино веќе подолго време и чуда со надеж дека животот повторно ќе се врати во нормала. Одиме напред со самодоверба, оваа сезона заврши, следната е веќе пред нас. Би сакал повторно да ги доживеам прегратките со навивачите, навивањето на луѓето, атмосферата на „Мараси“. Се уште сме заедно“, порача Пандев.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА